پاکستان: د اورښتونو له کبله د قربانیانو شمېر تر سلو اوښتی
۱۴۰۲ تیر ۳۰, جمعه
پاکستاني چارواکو د جمعې په ورځ خبرداری ورکړی دی چې د سختو اورښتونو او سېلابونو لړۍ ښايي دوام پيدا کړي.
د طبيعي ناورينونو سره د مبارزې ملي ادارې چې انګلسي لنډیز یې «ان ډي ام ای» دی، ويلي دي چې د مړو شويو کسانو تر نیمايي ډېر يې د پنجاب ایالت دي چې د تیرې میلادي مياشتې په وروستيو کې یې د مون سون موسمي بارانونو له پېليدو راهېسې خپل ژوند له لاسه ورکړی دی.
زموږ د فيسبوک پاڼه هم درسره تعقيب کړئ
دغه ادارې زياته کړې ده چې د قربانيانو نيمايي ماشومان او ښځې دي. همدا شان ويل شوي چې د اورښتونو او سېلابونو له وجې تر ۱۸۰ ډېر کسان ټپيان شوي هم دي او تر ۱۵۰ ډېرو کورونو ته زيان اوښتی دی.
اړونده موضوع: پاکستان کې سېلابونه؛ ميندوارې روغتيايي خدماتو ته اړتيا لري
په دې ترڅ کې تر ټولو خونړۍ پېښه روانه اونۍ په اسلام آباد کې هغه وخت رامنځته شوه کله چې د يوې لويي لاري د پله جوړيدو پر وخت د کارګرانو پر يوه استوګنځي ديوال راچپه شو. په دغه پيښه کي ۱۳ کسان مړه شول.
د هوا پيژندونکي صفدر سرفراز، په حواله په ټول پاکستان کې د شنبې او يکشنبې په ورځو د سختو اورښتونو د اوريدو امکان شته.
په پاکستان کې تېر کال هم د سېلابونو او په پايله کې یې د ناروغيو د خپريدو له کبله تر ۲۰۰۰ ډېر انسانان مړه شول. هغه مهال د دغه هيواد کابو يو پر درېمه برخه اوبو لاندې کړه او ۳۳ میليونه انسانان یې اغیزمن کړل.
اړونده موضوع: په پاکستان کې سېلابونه؛ حکومت له نړيوالو د مرستي غوښتنه کړې
پاکستان په نړۍ کې د کاربن ډایي اکسايد د يو سلنه اخراج له پاره مسئول دی خو دغه هيواد په هغو لسو هېوادونو کې شامل دی چې د اقليم د بدلون له کبله ډېر اغیزمنيږي.
ب. ص/ ن. ز
زموږ له آرشيف څخه: