د اروپا جام: ایټالیا د ترکیې څخه د فټبال لومړۍ مسابقه وګټله

د فټبال مسابقې تر نیمايي پوري دواړه خواوي مساوي پاته او هیڅ یوه ټیم هم مقابل طرف ته ګول ورنه کړ. تر تفریح وروسته په ۵۳ دقیقه کي د ترکيې بَیک، میهری دیمیرل پخپله خپلي خواته ګول ورکړ. په ۶۶  او ۷۹ دقیقه کي ایټالویانو ترکیې ته دوه نور ګولونه هم ورکړل.

که څه هم دواړو ټیمونو مسابقه ښه پر مخ وړله، خو ایټالیا په ډیر مهارت او پر ځان باندي متکي والي سره لوبه کوله. همدا د دې سبب هم سول، چي هغوی دوه ګولونه نور هم ولګوي او ترکیه هیڅ ګول ورنکړي.

د اروپا جام د فټبال په مسابقو کي د اروپا ۲۴ ټیمونه برخه لري او د همدې کال د جولای میاشتي تر ۱۱ پوري ادامه لري.