قزاقستان د مرګ سزا له منځه وړې ده
۱۳۹۹ دی ۱۳, شنبه
اعلان
د قزاقستان د ولسمشرۍ دفتر د شنبې په ورځ په خپله ويبپاڼه کې ليکلي دي چې د مرګ سزا يې له منځه وړې ده. د اعدام سزا د مرکزي آسيا په دغه هېواد کې د ۲۰۰۳م کال راهيسې ځنډول شوې وه. قزاقستان دغسې يو هېواد دی چې په مطلق العنان ډول اداره کيږي.
د قزاقستان محکمو د اعدام د سزا د ځنډېدو سربېره هم د سختو جرمونو په برخه کې بيا هم خلک په اعدام محکومول. په دې تريب يې يو وسله وال چې په ۲۰۱۶ کال کې يې په آلماتي ښار کې لس تنه وژلي ول، د اعدام په سزا محکوم کړی وو. خو دغه عامل بايد اوس يوازې عمري بند تېر کړي.
AFP/ن ص/خ ح