په روسیه کي سختي اورلګیدني او سیلابونه
۱۴۰۰ مرداد ۱۷, یکشنبه
د دغه محافظت کیدونکي ښار، ساروف چارواکو ویلي، دغه اقدام ځکه ضروري ؤ، چي اورونه د نیژني نوګورود د منطقې څخه مخ پر پراخیدو دي او د اضطراري حالت په اعلام سره کیدلای سي د اورونو د وژلو پخاطر اضافي قوتونو ته سازمان ورکول سي.
په دغه ښار کي د روسیې د اټومي تحقیقاتو مرکز موقعیت لري. ددغي سیمي ډیري نوري برخي هم د اورونو څخه په امان نه دي او د اورلګیدونو خطر یې ډیر دی. خصوصأ د روسیې په شمال شرق کي د سایبریا د سیمي د «یاکوتین» ښار د ډیر خطر سره مخامخ دی. هلته همدااوس په لسهاوو کورونه سوځیدلي او اوسیدونکي یې باید د امن ځایونو ته انتقال سوي وای.
لکه څنګه چي د روسي ټلویزوني چینلونو په تصاویرو کي ولیدل سوه د سایبریا د سیمي د ایرکوتسک او کراسنویارسک ټول ښارونه لوګيو او دودونو پوښلي دی. د روسي چارواکو په حواله نن یکشنبه په تقریبأ ۳،۵ ملیونه هکټاره مځکه کي اورونه بل دي. د کارپوهانو په خبره دا ډول اورلګیدني د روسیې په تاریخ کي ساری نه لري.
بیا د چین سره په سرحدي سیمه کي یې د «آمور» رود څخه د اوبو د رااوښتلو په مقابل کي اطفاییه باید سخته مقابله وکړي، کوم چی سخت سیلابونه یې رامنځته کړي دي. د رود اوبه تر هغه وروسته راواوښتې او سیلابونه یې رامنځته کړل، کله چي په تیرو څو ورځو کي سخت بارانونه واوریدل.
سیلابونو د نورو ترڅنګ هلته تقریبأ ۸۰ کیلومتره سړک او ۶ پلونه تر اوبو لاندي کړي دي.