د ترکيې لومړی موټر او د سياسي ناندرئيو دوام

د ترکيې دغه لومړی موټر توګ (TOGG) نوميږي چې »د ترکيې د موټرو د نوښت ډلې« مخفف دی. د دغه موټر سريالي يا پراخ توليد د اکتوبر په ۲۹مه د بورسا ولايت په ګېمليک ښار کې پيل شو. د ترکيې په شمال لويديځ کې د دغې فابريکې د پرانيستلو نېټه تاريخي او سمبوليک اهميت لري. هغه د ترکيې د جمهوريت د تاسيس ۹۹ کالورځ ده.

توګ په ۲۰۱۸ کال کې د پيل شوو شريکو هڅو پايله ده. ټاکل شوې ده چې راتلونکی کال به ۱۷ زره تر ۱۸ زره پورې د توګ برېښنايي موټر توليد شي. د فابريکې ټول ټال ظرفيت ۱۷۵ زره دی چې ټاکل شوې ده په دغه شمېر د موټرو توليد په پنځو راتلونکو کالونو کې تر لاسه شي. په انقره کې مېشت د ترکیې حکومت غواړي چې ټول ترکان د موټرو په دغې پروژې ووياړي. خو داسې نه ده.په ترکيه کې د حجاب په اړه د اردوغان د ریفرندم وړاندیز

توګ د ډېرو له خوا د ترکيې موټر نه، بلکې د ولسمشر، رجب طيب اردوغان، د پرستيژ او پرتم يوه پروژه بلل کيږي. اردوغان غواړي چې راتلونکی دوبی بېرته ټاکنو ته ودريږي. د شنبې په ورځ د فابريکې په پرانيستلو کې د اپوزيسيون استازو له ګډون څخه انکار کړی وو. مېرال اکشېنر چې د ملتپال ای واي ای ګوند مشره ده، وويل چې تر حده زيات کارونه پر غاړه لري او مراسمو ته نه شي ورتللی.«ترکیه په سلونو مهاجر سوریې ته استوي»

د اپوزيسيون مشر او په راتلونکو انتخاباتو کې د اردوغان احتمالي سيال، کمال کيليچ داروغلو چې په تر ټولو ستر مخالف ګوند سي ايچ پي پورې اړه لري، د خپل وياند له طريقه ويلي دي چې دغه پروژه »يوه سياسي ننداره« جوړه شوې ده چې له کبله به يې دی پکې ګډون نه کوي. خو د کيليچ داروغلو وياند بيا هم وويل چې »موږ توګ ته يوه بريالۍ پرانيستنه غواړو.«

په خبره يې بلنه د »اردوغان له ماڼۍ څخه« ورته راغله، نه له شرکت څخه چې له دې امله ډېری د اپوزيسيون سياستوالو له ګډون څخه انکار وکړ.  

بوراک اونوېرن/ن.ص./ا.ا.