افریقا ته د شولڅ دریم سفر: د اومو توکو تجارت او مهاجرت
۱۴۰۲ آبان ۷, یکشنبه
نور نو هغه وخت نه دی چې افریقا د المانانو له پاره له پامه غورځول شوې یوه وچه وه. دا په دوو کلونو کې دې وچې یا براعظم ته د المان د صدراعظم اولاف شولڅ دریم سفر دی. وروسته له یکشنبې ورځې څخه شولڅ د درو ورځو له پاره نایجیریا او ګانا ته سفر کوي.
شولڅ د پخوا برخلاف خپله توجه پر دې وچې ډیره متمرکزه کړې ده. د اوکراین پر وړاندې د روسیې د تعرضي برید څخه په پند اخیستلو سره هغه غواړي په نړیواله کچه خپلې اړیکې پراخې کړي.
د شولڅ په وینا د بیلګې په توګه په راتلونکي کې باید د ګازو په برخه پر روسیې او په اوس وخت کې د سوداګریزو اړیکو په برخه کې د چین په څیر هیوادونو پورې وابستګي راکمه شي.
نایجیریا چې په افریقا کې یو ګڼ میشته هیواد دی او ډیر شمیر مهاجر یې المان ته پناه راوړي، شولڅ غواړي چې د یوې موافقتنامې له لارې په المان کې د دغه هیواد د رد شوو مهاجرو بیرته ستنولو ته لاره هواره کړي.
همدارنګه المان اوسمهال خپل د اړتیا وړ ۷۹ سلنه برخه د اومو نفتو له نایجیریا هیواد څخه واردوي. شولڅ غواړي چې په ابوجا او لاګوس لویو اقتصادي ښارونو کې ارزونه وکړي چې آیا د طبیعي ګازو د وارداتو په برخه کې هم د تجارت امکانات شته او که څنګه.
آژانسونه: ش.ن/ ن.ص