جرمونه
افغان چارواکی: وسله والو په غور کې شپږ ملکیان وژلي دي
۱۳۹۷ فروردین ۲۸, سهشنبه
اعلان
اسوشتید پرس خبري آژانس د غور ولایت د پولیسو ویاند اقبال نظامي، له قوله لیکلي دي چې په دغه برید کې څلور نور کسان ټپیان شوي هم دي. د هغه په خبره د ملکي وګړو پر موټر برید د ولایت مرکز فیروز کوه ته څیرمه شوی دی.
نوموړي خبري آژانس په خپل رپوټ کې لیکلي دي چې د پيښې ټول قربانیان هزاره گان دي. د نظامي په خبره د هغوی موټر له هرات څخه د غور پر لور د سفر پرمهال تر بريد لاندي راغلی.
لا تر اوسه کومې ډلې د برید مسوولیت پر غاړه نه دی اخیستی. خو طالبان او د هغوی سیاله ډله داعش په غور کې فعاله دي او په تیرو وختونو کې یې د ځينو بریدونو مسوولیت منلی دی.