د آلمان صدراعظم د مهسا اميني مړينې ته غبرګون وښود
۱۴۰۱ مهر ۱, جمعه
اعلان
هغه وويل دا يوه خوفناکه پيښه ده چې تېره اوونۍ ۲۲ کلنه مهسا اميني د «نامناسب کاليو» اغوستلو په دليل تر نيولو وروسته د پولیسو په توقیف کې مړه شوه.
د مهسا اميني تر مړېنې وروسته په ایران کې د اجباري حجاب پر سر اعتراضونه هم شوي چې په هغو کې اعتراض کونکي مړه شوي هم دي.
شولڅ پر ټويټر ليکلي دي: «زه همدارنګه د ایران د زړورو ښځو د اعتراضونو په قربانيانو هم خپه یم.» هغه زياته کړې مهمه نه ده چې د نړۍ په کوم ځای کې وي: ښځې باید د دې توان ولري چې په خپله خوښه ژوند وکړي، پرته له دې چې د خپل ژوند په اړه بېره ولري.
د مهسا اميني په مړينې د نړۍ په سطحه سیاستوالو، هنرمندانو او تر سيلبريتي افرادو پورې غبرګون ښودلی او دغه پېښه ېې غندلې ده.