د حيوانانو ژنتيکي کاپي اخيستل يا کلون تخنيک

د دولي په نوم مېږه د يوه بالغ حيوان تر ټولو لومړی کلون يا په اصطلاح کاپي ده، چې د ۱۹۹۶ کال د جولای په ۵مه زېږېدلې ده. دولي پلار نه درلود، بلکې درې ميندې يې لرلې. د يوې مور د بدني حجرې بسپنه، د يوې بلې مور د تخم يا هګۍ له بسپنې سره يو ځای شوه چې يوې بلې مور بيا دولي وزېږوله. د شپږو کلونو په عمر دغه مشهوره مېږه د سږو د سخت التهاب له کبله له منځه يوړل شوه.

ايدامو ګېم په ۲۰۰۳ کال کې زېږېدلې لومړنی کلون شوی کچر دی. دغه مشهور حيوان د يوه ځغاستونکي مشهور کچر ارثي ورور دی.

سي سي د نړۍ د لومړۍ کلون شوې پيشو نوم دی. دغه نوم د «کاربن کاپي» لنډ شکل دی.

نويل، انجل، ستار، جوي او ماري د ۲۰۰۱ کال د کريسمس په ورځ دنيا ته راغلې. هغه د جن يا ارثي تخنيک د «پي پي ال تېراپويتيکس» د کمپنۍ زېږنده ده چې د دولي په نوم مېږه يې هم کلون کړې وه.

د نړۍ لومړی کلون شوی اوښ په ۲۰۰۹ کال کې په دبۍ کې دنيا ته راغی. د «انجاز» په نوم دغه اوښ د يو بل اوښ کاپي ده چې حلال شوی وو.

هسپانوي څېړونکو په ۲۰۱۰ کال کې د ګوت په نوم لومړنی کلون شوی جنګي غويی رامنځ ته کړ. دغسې غويان په هسپانيا کې د لوبو په ډګر کې جنګول کيږي.

د «تېترا» په نوم د رېسوس بيزو د جنين د تقسيم په واسطه رامنځ ته شوې ده. د متحده آيالاتو په اورېګون آيات کې دغه بيزو په ۲۰۰۰ کال کې وښودل شوه. تېترا په يوناني ژبه څلورو ته وايي. څلورو بيزوګانو ته جنينونه پيوند شوي وو چې يوازې تېترا پکې ژوندۍ پاته شوې وه.

د جنوبي کوريا يوې څېړنيزې ډلې په ۲۰۰۵ کال کې د نړۍ لومړی کلون سپی توليد کړ. هغه سنوپي نوميږي او د افغانستان تازي سپی دی. دا ځل يو دولس کلن بل سپی هم کاپي شوی دی چې اوسنۍ انګليسي خاوندې هغه د جايزې په توګه ګټلی دی.