د خيبر پښتونخوا د چارسدې سيمي انځورونه

سردرياب د چارسدې ولسوالۍ د سيل او ساعت تيرۍ ځای دی. دلته پر ځايي اوسیدونکو سربيره د پيښور ښار څخه يو شمير خلک له خپلو کورنيو سره د سيل او کب خوړولو له پاره راځي.

د کابل سيند پر غاړه پرتې دې سيمې ته د سيل له پاره راتلونکي په ښکلو سنبال شوو کښتيو کې له چکر څخه خوند اخلي.

د خيبر پښتونخوا د رسنیو د برخې د محصل زين الله په حواله د سردرياب تازه پاخه شوي کبان ډير خوندور دي او خلک یې ډير خوښوي.

په سردرياب کې ماشومان له يوې کراچۍ څخه د نينو رانيولو په حال کې ليدل کيږی. د خيبرپښتونخوا جوار د خپل ښه خوند له کبله ډير شهرت لري.

چارسده په دې وروستيو کې د يو شمير ترهګریزو بريدونو شاهده وه. دلته ډيرو کورنيو په تروريستي بريدونو کې خپل خپلوان له لاسه ورکړي. خو د دې ځای خلک يو وار بيا غواړي چې ژوند یې د ښکلاو او رنګونو ډک شي.

د چارسدې په شا او خوا کليو کې خلک په تنورونو کې ډوډۍ پخوي. په دې انځور کې يو کلال د خاورو د تنور جوړولو په حال کې ليدل کيږي.

د چارسدې د خامتا ټکر د خپل ښه معيار له کبله نه يوازې په پاکستان، بلکې دباندې په نورو هيوادونو کې ډير مشتريان لري.

د چارسدې په رځړو سيمه کې په هر کور کې د خامتا جوړولو له پاره نساجي ماشينونه موجود دي. په دوبي کې په دې کوچنيو فابريکو کې د خامتا پټوان او ټکر جوړيږي او بيا په ژمې کې پلورل کيږي.