د مهاجرو روژه

فریده، چې له افغانستان څخه راغلې ده د خپلې کورنۍ خیمې ته څیرمه له روژه ماتې څخه تر مخه قرآن کریم لولي.

له «ایکو ۱۰۰» نومې خیره سازمان څخه داوطلبه مرستندویه ستیفني پوپ (کیڼ اړخ ته) او د دمشق څخه سلیمان چې یو مهاجر دی د خرما ۱۵۰ کوچنۍ کڅوړې ډکوي. مسلمانان په دودیزه توگه روژه زیاتره وخت په خرما او اوبو ماتوي.

دوه سوریایي ماشومان د خرما د کارتونونو په انتقالولو کې مرسته کوي چې د متحدو عربي آماراتو د سفارت له لوري یې مرسته شوې ده. سفارت په غیر منتظره توگه د ریستونا کمپ تر سلو کیلو زیاته وچه خرما استولې ده.

داوو طلبو کسانو تحویلخانې ته خواړه رسولي. شړومبې، خرما او انار چې د روژې ځانگړي خواړه بلل کیږي، د نورو عادي خوړو تر څنگ پر خلکو ویشل شوي دي.

نایا حورو، چې سوریايي مهاجره ده د آشپز خانې د نه لرلو له کبله تر شنه آسمان لاندې د لرگیو په نغري کې د خپلې کورنۍ نهو غړو ته خواړه تیاروي.

د نایا حورو، زوم حسن رسول چې د څلورو ماشومانو پلار دی هغه یوه ساز ته نڅا کوي چې له نزدې خیمې څخه یې غږ راځي.

د نایا کورنۍ د روژه مات انتظار کوي. هغوی د نایا د لاس پخ شوې وریژي او د یونان له له لوري مرسته شوې شوروا، سلاته او هگۍ خوري.

په هغه یوه ودانۍ کې چې څوک په کې نه اوسیدل او اوس ترې جومات جوړ شوی دی یوه ښځه قرآن کریم رااخلي.

یو سړی په ریتسونا کمپ، کې د خپلې خیمې د باندې لمونځ کوي.