روسيه او امريکا په افغانستان کي هدفمنو عملياتو ته تياری نيسي
۱۳۹۰ فروردین ۴, پنجشنبه
« موږ اوس په افغانستان کي د نشه يي موادو پر کارخانو او زيرمو بريدونو ته تياری نيسو. د دغه عملياتو په اړه اوس نور څه نه سم ويلای چي څه وخت او چيري به وي.»
ايوانوف دغه خبري د نشه يي موادو د غيري قانوني راکړي ورکړي سره د مبارزې تر هغه غونډي وروسته وکړي چي په مسکو کښي د روسيې او امريکا د متحده ايالاتو د کاري ډلو تر منځ جوړه سوې ول.
ايوانوف وويل چي، روسيې ته د افغانستان د نشه موادو د قاچاق دپاره د مرکزي آسيا د هيوادونو او لارو څخه کار اخستل کيږي.
« کارپوهان اټکل کوي چي پر دغه لاره باندي د ۲۰ ملياردو ډالره په ارزښت نشه يي مواد تيريږي چي دايي په سيمه کي تروريستي بانډونه نور هم غښلي کړي او داچي د هغوی رول اوس په سيمه کي د سياسي حلاتو پر بې ثباتۍ مستقيمه اغېزه کړې.»
ويکتر ايوانوف څرګنده کړه چي د روسيې او امريکا د متحده ايالاتو تر منځ داسي پريکړه ليک سته چي له مخه يې دواړه هيوادونه کولای سي په ګډه سره د نشه يي موادو په وړاندي مبارزه او کډ کار وکړي.
« کله نا کله ددغه ناوړه موادو په وړاندي زموږ عمليات د نورو هيوادونو سره همږغي سي.»
« په څانګړې توګه د ( ازيات) په نامه عمليات چي د امريکا متحده ايالات او روسيه يې د منځنۍ اسيا د يو شمېر هيوادونو سره په ګده تر سره کړي، په ترځ کښي يې ۱۴ تنه د ۵۰۰ کيلو ګرامه هيروينو سره و نيول سول. د اسيايي هيوادونو په نورو عملياتو کي چي د (شينکي) په نامه ول ۹۳ تنه د نشه يي موادو کاروباريان و نيول سول.»
د ۲۰۱۰ کال د اکتوبر په ميشات کي روسي او د امریکا متحده ايالاتو د افغانستان د کورنيو چارو وزارت په همکارۍ په افغانستان کي د نشه يي د توليد پر څلورو کارخانو باندي عمليات تر سره کړه.
ددې عملياتو په ترڅ کي د يو مليارد ډالرو په ارزښت نشه يي مواد چي په هغه کي ۹۳۲ کيلوګرامه هيروين چي ۲۰۰ مليونه پوړۍ کيږي او ۱۵۶ کيلو ګرامه ترياک له منځه يووړل سول.
د انتر فکس خبري آژانس د معلوماتو له مخه سر بيره پر دې د تيرکال د جولای په مياشت کي د روسيې او امریکا متحده ايالاتو په ګډو عملياتو کي د امريکا څخه روسيې ته د کوکاينو يو ستر بار او ورسره تړلي اشخاص و نيول سو.
انترفکس/ نجيب الله زيارمل
کتونکې: ګل غوټۍ پوپل