قاچاقبر باید د قرباني مهاجرو کورنیو ته زرګونه پاونډه ورکړي
۱۴۰۲ آذر ۴, شنبه
د بریتانیې خبري آژانس «پي ای» په لندن کې د یوې محکمې تر حکم وروسته دغه رپوټ خپور کړی دی.
دغه ۴۶ کلن شخص په ۲۰۲۱م کال کې د قتل د څو مواردو په جرم په ۲۷ کاله بند محکوم شوی وو. نوموړی د انساني قاچاق د بانډ یو له دوو مشرانو څخه پيژندل شوی دی چې مهاجر به یې د ډیرو پيسو په بدل کې د مانش یا انګلیس کانال له لارې بریتانیا ته قاچاق کول.
په ۲۰۱۹م کال کې د ۳۹ ویتنامي مهاجرو جسدونه چې (د ۱۵ تر ۴۴ کلونو پورې یې عمرونه درلودل) د یوې لارۍ موټر د بار وړلو په ځای یا کانتینر کې وموندل شول، چې د هوا منفذ یا مجرا یې نه درلودله. دغه موټر مخکې تر دې د یوې کښتۍ په وسیله له بلجیم څخه بریتانیا ته انتقال شوی وو. دغو مهاجرو له شدید رنځ وروسته د هوا د نه موجودیت له کبله سا ورکړې وه.
د قاضي د حکم په اساس د غرامت ورکړه باید په درو میاشتو کې ترسره شي، که نه نو باید محکوم شوی شخص د یوه کال اضافي بند له ګواښ سره مخامخ کیږي.
آژانسونه: ش.ن/ ا. و.ا