له جرمني څخه افغانستان ته د مهاجرو بل ډله ايز اخراج
۱۳۹۷ آذر ۱۲, دوشنبه
اعلان
د جرمني خبري آژانس، د دغه هيواد د بايرن ايالت د مهاجرو شورا د معلوماتو له مخي راپور ورکړی دئ چي پتېيل سوې ده چي د سه شنبې په ورځ له فرانکفورت هوايي ډگر څخه يوه ډله افغان مهاجر کابل ته اخراج سي.
افغان چارواکو تائيد کړې ده چي د چهارشنبې په ورځ به يوه ډله افغان مهاجر د کابل نړيوال هوايي ډگر ته ور ورسيږي.
د ۲۰۱۶م کال له ډسمبر مياشتي راهيسي تر اوسه پوري په ۱۸ پروازونو کي نژدې ۴۲۵ افغان مهاجر کابل ته اخراج سوي دي.
له جرمني څخه د افغان مهاجرو د اخراج موضوع ډيره جنجالي ده، ځکه په افغانستان کي د افراطي طالبانو او ترهگري ډلي داعش پرضد جگړه پراختيا مومي.
د پوځي معلوماتو له مخي افغان حکومت د خپل هيواد تر نيمايي لږ ډيره برخه باندي کنترول لري او د ۳۰ سلنه کنترول پر سره جگړه روانه ده.
زموږ له ارشيف څخه: