ننګرهار: د طالبانو د پوهنې د امر څلور لوڼې وژل شوي
۱۴۰۲ دی ۱۸, دوشنبه
اعلان
ننګرهار کې د طالبانو د پوهنې ریاست ویاند فرهاد احمد ستانکزي رسنیو ته په یوې استول شوې خبر پاڼه کې ویلي چې تېره شپه دغه برید د ننګرهار په حصارک ولسوالۍ کې د طالبانو د پوهنې د امر مولوي غلام جيلاني حنفي کور ته نامعلومو کسانو لاسي بمونه غورځولي چې له امله یې د هغه ۴ لورګانې وژل شوی دي.
موږ هڅه وکړه چې د دې خبر د لا ډېرو جزییاتو لپاره د ننګرهار امنیه قومندانۍ نظر واخلو خو هغوی په دې اړه خبرو کولو ته تیار نه شول.
تر اوسه د دې برید مسوولیت چا پرغاړه نه دی اخېستې خو له دې مخکې پر طالب چارواکو او یو شمېر نورو عامه ځایونو د برید مسوولیت د اسلامي دولت نومې ډلې یا داعش منلی وو.