پاکستان: د مرستو د ویش پر مهال ګڼه ګوڼه کې ۱۱ تنه وژل شوي
۱۴۰۲ فروردین ۱۲, شنبه
پاکستان د میاشتو راهیسې د اقتصادي کړکیچ له امله کړيږي. پاکستاني کلدارو خپل ارزښت له لاسه ورکړی دی او د اړینو خوراکي توکو بیې نږدې ۵۰ سلنه لوړې شوې دي.
زمونږ د فیسبوک شبکې سره یوځای شئ:
زمونږ د یوټیوب شبکې سره یوځای شئ:
پر وخت د پورونو نه ادا کول دغه هیواد اړ کړی دی چې له دې وضعیت څخه د وتلو په خاطر د پيسو له نړیوال صندوق سره خبرې اترې پيل کړي.
د پاکستان خراب اقتصادي حالت او د درملو بحران
د کراچۍ ښار په لویدیځ کې د پولیسو یو افسر فدا جنواري وویل د خلکو ازدحام یا ګڼه ګوڼه هغه وخت رامنځته شوه چې اړمنو ښځو له خپلو ماشومانو سره پر هغې کارخانې هجوم ور وړه چې مرستې په کې ویشل کیدلې.
نوموړي د فرانسې خبري آژانس ته وویل: «وحشت رامنځته شو او خلکو منډې کړې». یو سیمه ایز چارواکي وویل چې د ۶۰۰ او ۷۰۰ ترمنځ خلک په یوه صنعتي چاردیوالۍ کې د [صدقې ترلاسه کولو] له پاره را ټول شوي ول.
۲۲ کلنې فاطمې نور چې په دې پيښه کې یې خپله خور له لاسه ورکړې ده وویل: «کله چې دوی اصلي دروازه پرانیستله، ټولو خلکو هجوم وروړه.»
د سیمه ایز حکومت ویاند محمد فرخ وویل د ۶ ښځو او ۳ ماشومانو جسدونه د عباسي شهید دولتي روغتون ته انتقال شوي دي. د ژغورنې د یوه غیر دولتي سازمان یوه چارواکي د فرانسې خبري آژانس ته وویل چې دوه جسدونه یو بل روغتون ته انتقال شوي دي.
سمیه سید طارق چې د جراحۍ داکتره او د پولیسو په اداره کې کار کوي د جمعې په ورځ ناوخته مجموعاً د ۱۱ تنو مړينه تایده کړې ده.
امریکا ولې پر پاکستان د چین د پورونو له کبله اندېښمنه ده؟
۳۰ کلنې اسما احمد وویل چې په دې ګڼه ګوڼه کې یې خپله نیا یا انا او وریره له لاسه ورکړي دي. هغې د دې صدقې د نوعیت په اړه وویل: «مونږ هر کال د زکات ترلاسه کولو له پاره دې کارخانې ته راځو». هغې زیاته کړه «چې کنترول او مدیدیریت کولی یې نه شي، نو ولې مونږ دلته را غواړي».
د پولیسو افسر فدا جنوارې وویل د کارخانې دری تنه کارمندان په دې دلیل چې د مرستو د ویش تنظیمولو په خاطر یي پولیسو ته خبر نه وو ورکړی، نیول شوي دي.
آژانسونه: ش.ن/ ن.ص