پاکستان: دوو گوندونو د يوه ائتلافي حکومت پر جوړولو توافق وکړ
۱۴۰۲ اسفند ۲, چهارشنبه
په پاکستان کي د پخواني لومړي وزير شهباز شريف، په مشرۍ يو ائتلافي حکومت جوړيږي. لکه څرنگه چي دواړو گوندونو د سه شنبه په ورځ اعلان وکړ، د نوازشريف له مسلم ليگ گوند سره د پاکستان د خلکو د گوند ژورې خبري اترې پس له لسو ورځو پای ته ورسيدې. دغو دواړو گوندونو په ټاکنو کي په ترتيب سره ۵۴ او ۷۹ چوکۍ ګټلي دي.
پخوانی خارجه وزير بلاول بوتو زرداري، چي د پاکستان د پاکستان انتخابات، د عمران خان خپلواک نوماندان مخکښ ديد خلکو گوند د اصلي کانديد په توگه دغو سياليو ته داخل سوی وو، ويلي دي چي دواړه گوندونه د امکان ترحده په لنډ وخت کي د يوه حکومت د جوړيدو غوښتونکي وه.
هغه په يوه مطبوعاتي کنفرانس کي ټينگار وکړ چي پر دې هوکړه سوې ده چي د مسلم ليگ له گوند څخه د پاکستان پخواني لومړی وزير شهباز شريف د صدراعظمۍ له پاره معرفي سي.
د دغې هوکړې له مخي، د بلاول بوتو پلار آصف علي زرداري، د ولسمشر په توگه پيشنهاد سوی دی.
د پاکستان وګړي د رواني ميلادي مياشتي په لومړيو وختونو کي د رايو صندوقونو ته ولاړل او هيڅ کوم گوند ونه سوای کولای د حکومت د جوړولو له پاره کافي رايي په لاس راوړي. د فبرورۍ پر اتمه په دغو ټاکنو باندي د زورزياتيو پيښو سيوري غوړولی وو.
د پاکستان د پخواني او بندي سوي لومړي وزير عمران خان په ملاتړ کانديدانو تر ټولو ډېري چوکۍ په لاس راوړي دي. د عمران خان د «تحريک انصاف» گوند ته اجازه نه وه ورکړل سوې چي د يوه گوند په توگه په انتخاباتو کي گډون وکړي.
په پاکستان کي ولسمشر د ملي مجلس له خوا په ساده اکثريت سره د پنځو کلونو له پاره ټاکل کيږي.
دپاکستان د اساسي قانون له مخي د فبرورۍ مياشتي تر ۲۹مي پوري بايد د پارلمان غونډه جوړه او د نوي لومړي وزير د ټاکلو له پاره رايه اخيستنه ترسره سي.
په ۲۰۲۲م کال کي د پارلمان د نه باور رايو په نتيجه کي د پخواني لومړي وزير عمران خان، تر گوښه کيدو وروسته، يو موقت حکومت دغه هيواد اداره کوي.
GP/NZ/AG