سياستاوکرایین
د روسیې په برید کې لسګونه اوکراینانو ته مرګ ژوبله اوښتې
۱۴۰۳ فروردین ۱۸, شنبه
اعلان
د زاپروژیا ښار والي ایوان فیدیروف ویلي لومړني دوه توغندي په استوګنیزو سیمو لګیدلي دي.
په داسې مهال چې د ژغورنې عمله او پولیس ځای ته رسېدلي وو، درېیم راکټ نږدې څلوېښت دقیقې وروسته ولګید.
د فیدیروف په وینا، لږ تر لږه څلور ملکي وګړي وژل شوي او تر شلو زیات ټپیان شوي دي. په ټپیانو کې دوه خبریالان هم شامل دي.
په اوکراین کې د امریکا سفیر دا برید په کلکه غندلی او دا یې یو «کرکجن»عمل بللی دی.
د اوکرایین د پوځي سرچینو په وینا، روسیې په ظاهره غوښتل چې خبریالان او مرستندویه ځواکونه په نښه کړي.
د اوکراین په دویم لوی ښار خارکیف کې دبې پیلوټه الوتکې په برید کې لږ تر لږه شپږ کسان وژل شوي او اوه نور ټپیان شوي دي. د دې سیمې والي د ټیلیګرام په ټولنیزه شبکه کې لیکلي، چې په دغه برید کې د ټلویزیون یوه شبکه او یو پلورنځی زیانمن شوي دي.