«پر عاشورا مراسمو ۲۶ تورن بريدگر مو نیولي دي»
۱۳۹۷ شهریور ۲۷, سهشنبه
د ملي امنیت له لوري په خپرې شوې اعلامیه کې راغلي دي چې دغه شمیر یاغیان د دوی د ډلې د مشر په شمول په پلازمېنه کابل کې د بیلا بیلو عملیاتو په ترڅ کې نیول شوي دي.
د فرانسې خبري آژانس په خپل رپوټ کې لیکلي دي چې په افغانستان کې د داعش څانګې د ټول افغانستان په کچه او په ځانګړې توګه په کابل کې د لږکیو پر وړاندې خپلو بریدونو ته زور ورکړی دی.
د روانې میاشتې په لومړیو کې داعش ترهګرې ډلې د کابل په یوه شیعه میشته سیمه کې دوه غبرګې چاودنې وکړې چې له کبله یې د دوو خبریالانو په ګډون لږ تر لږه ۲۱ کسان ووژل شول. دغه برید په کابل کې د پهلوانۍ پر یوه مرکز شوی وو چې له کبله یې لږ تر لږه ۸۹ تنه نور ټپیان شوي وو.
په عین حال کې له ۲۰۱۴م کال راهیسې هغه مهال چې ناټو او امریکايي ځواکونو په افغانستان کې خپل جګړه ایز ماموریت پای ته ورسوو، افغان امنیتي ځواکونو د اسلامي دولت یا داعش ډلې د جنګیالیو په ګډون له طالبانو سره په جګړه بوخت دي.