په مختلفو هيوادونو کې د روژې دودونه

په سارايوو کې د سيمه ایز دود له مخې هره ورځ د روژه مات پر وخت د توپ ډز کيږي.

په دې انځور کې د تونس وگړي د دوربين په مرسته د روژې مياشت ويني. په ډېرو هېوادونو کې د دوربين پرته هم د مياشتې د ليدو دود موجود دی. له همدې امله په مختلفو هېوادونو کې روژه هم په بېلا بېلو ورځو پيليږي.

په مصر کې د روژې په مياشت کې د دودیزو چراغونو بلول د ژورې د هرکلي د رواجونو يوه مهمه برخه ده. د قاهرې پر سيده زينب جاده د روژې مياشتې له پېل سره سم د سړکونو پر غاړو څراغونه پلورل کيږي.

د استانبول د سلطان احمد مسجد ته آبي مسجد هم ويل کيږي. دلته ښځې د لومړۍ روژې د تراويح لمانځه په حال کې ليدل کيږي.

د مصر په څېر د غزې په بازارونو کې هم د روژې له پېل سره په بازارونو کې د مختلفو رنگونو څراغونه روښانه کيږي.

په ايران کې هم د روژه مات له پاره ځانگړي خواړه چمتو کيږي. د تهران په بازارونو کې د روژې له پېل سره سم د خلکو گڼه گوڼه هم زياتيږي.

په پاکستان کې د روژې مياشتې له را رسيدو سره سم په بازارونو کې هر لوري ته خرما، پکوړې او سمبوسې ليدل کيږي.

په الجزاير کې د روژې په مياشته کې روژتيان شات او خواږه شيان په ډېر شوق سره خوري.

په کابل کې هم په روژه کې له کلچه پزيو څخه د کلچو او مټايانو د رانيونکو شمير ډېر زياتيږي. شمشير حيدر (دويچه ويله اردو)