په کانکور کې د ښځو نه ګډون؛ پر ښوونیز سیستم یې اغېزې څه دي؟

د طالبانو د آزموینو ملي ادارې د سږکال کانکور نیټې په اعلانولو سره ویلي دي چې دا ځل به کانکور په عربي او انګریزي ژبه هم اخیستل کیږي. دغه آزموینه چې په روانې جوزا او چنګاښ میاشت کې ترسره کیږي، پکې د نجونو پر ګډون بندیز پر ځای پاتې دی. طالبانو چې له واکمنۍ یې شاوخوا درې کاله اوړي تر ټولو ډیر بندیزونه پر افغانو ښځو په ځانګړي ډول د دوی په تعلیم لګولي.