Futbolli botëror mysafir në Brazil

Brazili është vendi, ku organizohet Kampionati Botëror i Futbollit 2014. Ky vend i Amerikës Jugore shpreson për një futboll të madh në një atmosferë të bukur. Maskota e Kampionatit Botëror "Fuleco" është prezantuar qysh vitin e kaluar në skenën e madhe me ish-lojtarin e kombëtares braziliane Ronaldo (djathtas).

Kombëtarja gjermane është kualifikuar në mënyrë solide për Botërorin 2014. Kombëtarja e drejtuar nga traineri Joachim Löw merr pjesë për të 16 herë në një kampionat botëror. Fituesi i kualifikimit për në botëror është André Schürrle (i dyti djathtas), i cili në ndeshjen kualifikuese me Suedinë realizoi kryeveprësn me tre gola.

Mbrojtësja e titullit Spanja sheh me optimizëm drejt Brazilit. Ekipi i trainerit Vicente del Bosque (majtas) nuk pësoi asnjë humbje në ndeshjet kualifikuese dhe e ka spostuar Francën në vendin e dytë në grup.

Italianët me Mario Balotelli (djathtas) i ashtuquajtur si "Bad Boy" kanë siguruar në grupin B vendin kryesues. Nënkampioni i Europës u kualifikua pa asnjë humbje.

Edhe nënkampionia e botës, Holanda me ekipin e përzgjedhur prej Louis van Gaal (djathtas) ka siguruar në mënyrë solide vendin e parë në grupin D. "Ky është një rezultat madhështor", është shprehur van Gaal: "Pas Kampionatit Europian ne ishim përtokë. Na u desh të krijojmë një ekip të ri. Kjo nuk ishte e lehtë."

Anglia e përballoi me sukses frikën ndaj duelit me Ukrainën duke siguruar pas fitores 2:0 ndaj Polonisë pjesëmarrjen në botëror në Brazil. Në stadiumin Wembley atdheu i futbollit siguroi vendin e parë në grupin H, duke shmangur kësisoj përsëritjen e traumës së vitit 1973, kur Polonia i bllokoi rrugën Anglisë për në botërorin e vitit 1974.

Traineri Marc Wilmots, i cili ka qenë në 1997 me ekipin gjerman Schalke fitues i kupës së UEFA-s, ka krijuar një ekip të fortë komëbtar.

Organizim i mirë, kondicion i fortë dhe lojë kompakte: Ky është futbolli tipik për Hitzfeldin, që e kualifikoi Zvicrën në grupin E për turneun e botërorit. Kombëtarja zvicerane ka shumë lojtarë të Bundesligës gjermane të përzgjedhur nga traineri Hitzfeld (majtas). "Oreksi për në Kampionatin Botëror është mjaft i madh", është shprehur entuziast profesionisti i Bajernit Xherdan Shaqiri.

Pas dymbëdhjetë vjetësh mungese Rusia është kualifikuar sërish për një turne botërori. Për renditjen në grupin F ishte vendimtar barazimi 1:1 me ekipin e Azerbajxhanit të drejtuar nga traineri Berti Vogt. Portën e rusëve drejt Brazilit 2014 e pati hapur një gol i mëparshëm nga Roman Schirokow (majtas).

Bosnje-Hercegovina merr pjesë për herë të parë në një Kampionat Botëror Futbolli. Falë golit të profesionistit të Bundesligës gjermane Vedad Ibisevic në lojën vendimtare (1:0) me Lituaninë ky shtet ballkaniak ka siguruar vendin e parë në grupin G.