"Rock am Ring" do të vazhdojë

Festivali legjendar i muzikës "Rock am Ring" do të vazhdojë në Nyrburgring të shtunën (03.06) pas ndërprerjes për shkak të rrezikut terrorist. Organizatorët bënë të ditur në faqen e internetit, se "pas kontrolleve të imta të të gjitha hapësirave të festivalit, nuk u forcuan dyshimet e para për një rrezik akut". Edhe policia i ndërpreu hetimet.

Festivali në Gjermani u ndërpre të premten në mbrëmje në Nyrburgring, sepse policia kishte të dhëna për rrezikun e një sulmi terrorist. Rreth 80.000 vetë duhet të largoheshin nga koncerti pas ndërprerjes së tij.

Sipas organizatorit, Marek Lieberberg njerëzit e lanë sheshin brenda një kohe të shkurtër të qetë e nuk pati probleme gjatë evakuiimit. Brenda një gjysëm ore njerëzit u larguan, u shpreh Lieberberg. Edhe qeveria e landit të Renani-Pfalcit e konfirmoi të premten rrezikun për një sulm terrorist.