Viti sportiv 2014

Lojërat Olimpike Dimërore, Botërori i Futbollit dhe Kampionati Europian i Notit në një vit të vetëm. Do të plotësohen të gjitha preferencat e sportdashësve. Gjithçka fillon me turneun klasik katër kërcime në trampolinë. Dy herët e fundit është shpallur kampion bote austriaku Gregor Schlierenzauer.

Gjermanët do të jenë në rolin e tiofzëve në kampionatin që do të nisë në mes të muajit janar. Për herë të parë ky kompeticion zhvillohet pa praninë e ekipit gjerman. Kampionët e Botës të vitit 2007 nuk arritën të kualifikohen. Kampionët në fuqi janë danezët, në vendin e të cilëve do të zhvillohet kampionati i radhës.

Për herë të parë Lojërat Dimërore do të zhvillohen në një rajon sub-tropikal: në qytetin rus Soçi në Detin e Zi. Ende pa filluar olimpiada Rusia e ka vendosur tashmë një rekord: do të jenë lojërat më të shtrenjta të zhvilluara deri tani, me një kosto prej 10,6 miliard eurosh.

Një muaj më vonë do të konkurojnë mes tyre atletët me të meta fizike. Por këto lojra nuk kanë të bëjnë vetëm me arritjet sportive, por edhe pranimin nga shoqëria dhe bërjen të njohur të sporteve të personave me të meta fizike.

Nëse banorët e Soçit nuk janë kënaqur vetëm me sportet dimërore, që nga fillimi i vitit atje do të zhvillohet edhe Formula 1. Katër herë kampioni i botës Sebastian Vettel e ka testuar pistën më parë. Pilotët nuk duhet të përshtaten vetëm me pistën e re, por edhe ndryshimet teknike e pamjen e makinave të tyre.

Pyetja se kush do të jetë kampione e Gjermanisë, tashmë nuk shtrohet më. Tani diskutohet sa shpejt do të shpallet. Më përpara se java e 34 dhe e fundit që do të luhet më 10 maj? Duket se po. Në sezonin e shkuar FC Bayern u shpall kampione 6 ndeshje pëpara përfundimit të kampionatit. Enigmë janë vetëm skuadrat që do të marrin pjesë në Champions League.

Që të ketë sërish një finale tërësisht gjermane, është thuajse e pamundur. Kampioni në fuqi FC Bayern ka shpresa për të qenë sërish në finalen e 24 majit që do të luhet në Lisbonë.

Për herë të parë femrat dhe meshkujt luajnë në të njëjtin vend për Kupën e Botës: në Hagë të Holandës. Mikëpritësit që prej muajit qershor shihen si të favorizuar. Aty do të jenë edhe dy skuadrat gjermane, ku ajo e meshkujve ka më shumë shanse pasi është kampione olimpike në fuqi.

Për herë të parë pas vitit 1950 Kupa e Botës në futboll zhvillohet sërish në Brazil. Kampionati fillon në mes të qershorit dhe do të zgjasë një muaj. 32 skuadra do të marrin pjesë. Debutuese është Bosnje-Herzegovina. Dy herët e fundit e ka fituar Spanja. Gjermania, që e ka ngritur kupën për herë të fundit në vitin 1990, do të ketë në grup Portugalinë, Ganën dhe SHBA-në.

Ky është turneu më i vjetër dhe më prestigjoz i tenisit. Vitin e shkuar gjermania Sabine Lisicki bëri një paraqitje të shkëlqyer, ku u mund vetëm në ndeshjen e fundit nga Marion Bartoli. Ndërsa për meshkuj kupa u ngrit nga Andy Murray.

Është turi më i rëndësishëm çiklistik në botë dhe një sport i lidhur shpesh herë me dopingun. Pas fitores së Chris Froome, britanikët janë të kënaqur që në 2014 ky tur nis në Leeds. Kësaj radhe turi i ndarë në tri segmente do të kalojë edhe në Francë, Belgjikë dhe Spanjë.

Konkursi Ndërkombëtar i Hipizmit (11.-20.7.) është ngjarja më e madhe e sportit të hipizmit në rang botëror. Prandaj ai quhet edhe si festivali botëror i kalërimit.

Pritshmëritë për atletët gjermanë, të cilët do të marrin pjesë në kampionatin që do të zhvillohet në gusht në Zyrih janë të mëdha. Në Kampionatin e fundit Europian atletët gjermanë, morën 6 medalje të arta, duke u shpalluar si vendi me më shumë medalje. Robert Harting është kampioni në fuqi i Europës dhe i Botës, e natyrisht ai do të synojë ta mbrojë titullin e tij.

Më në fund kampionati zhvillohet në Gjermani dhe shanset për medalje janë të mira. "Pretendimet tona janë në rritje", deklaroi krye-trajneri i ekipit gjerman Henning Lambertz. Pas përfundimit të karrierës së Britta Steffen, i dashuri i saj Paul Biedermann është i vetmi notar i niveleve ndërkombëtare.

Edhe pse kampionët në fuqi, ekipi i SHBA-së, janë gjithmonë favoritë, spanjollët kanë shpresa ta përsërisin suksesin e vitit 2006. Skuadra gjermane nuk arriti të kualifikohej, por sërish mori një ftesë pjesëmarrjeje dhe shpreson se ylli i NBA Dirk Nowitzki do t’i bashkohet skuadrës.