1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
MigogoroJamhuri ya Kidemokrasia ya Congo

Askari 23 wakabiliwa na adhabu ya kifo kwa kuliasi jeshi

31 Desemba 2024

Kiasi ya wanajeshi 23 wa Jamhuri ya Kidemokrasia ya Kongo wanakabiliwa na adhabu ya kifo au vifungo vya miaka 10 hadi 20 jela. Ni baada ya kufikishwa mahakamani kwa mashitaka ya ubakaji, kuasi jeshi na uhalifu mwingine.

https://p.dw.com/p/4ohNt
Askari wa Kongo katika mji wa Kirumba
Vikosi vya usalama Kongo vinapambana na zaidi ya makundi 120 ya waasi mashariki mwa nchi hiyoPicha: Alexis Huguet/AFP/Getty Images

Msemaji wa jeshi la Kongo Luteni Kanali MaK Hazukay amesema askari hao walifikishwa mbele ya mahakama ya kijeshi mjini Butembo katika mkoa wa Kivu Kaskazini. Vikosi vya usalama kwa miaka mingi vimekuwa vikipambana na zaidi ya makundi 120 ya waasi katika eneo la mashariki mwa Kongo lenye utajiri wa madini.

Kongo iliondoa marufuku iliyodumu kwa miaka 20 ya adhabu ya kifo mwezi Machi, hatua iliyokosolewa na wanaharakati wa haki za binaadamu. Mwezi Mei, askari wanane walihukumiwa adhabu ya kifo kwa kutoroka mapigano. Mwezi Julai, askari 25 walihukumiwa kwa makosa sawa na hayo. Haijabainika kama kuna yeyote kati yao aliyenyongwa.