Baerbock aanza ziara ya wiki nzima eneo la Indo-Pasifiki

Eneo la indo pasifiki zilipo nchi hizo tatu linaendelea kuwa muhimu kwa Ujerumani kwa sababu za kimkakati na kiuchumi. Baerbock alitarajiwa kutembelea nchi hizo mwezi Agosti mwaka jana  lakini akasitisha safari yake baada ya kutua Dubai wakati ndege ya serikali aliyokuwa anasafiria kupata matatizo ya kiufundi.

Ziara yake itaanzia Adelaide, Australia hii leo Jumatano, kisha mjini Auckland New Zealand siku ya Ijumaa kabla ya kuelekea Fiji siku ya Jumapili. Fiji iliyo na idadi ya watu chini ya milioni 1 ni moja ya nchi zinazoathiriwa sana na mabadiliko ya tabia nchi. Watu katika baadhi ya visiwa huko wamehamishwa kufuatia mafuriko yanayosababishwa na kupanda kwa viwango vya bahari.