Bayern wamsajili Coutinho

Baada ya vipimo hivyo Coutinho alitia saini mkataba utakaomuweka hapo Allianz Arena hadi mwezi Juni mwaka 2020 ambapo watakuwa na fursa pia ya kumsajili kwa mkataba wa kudumu iwapo watakuwa wameridhishwa naye.

Barcelona wamesema mabingwa hao wa Ujerumani watawalipa yuro milioni 8.5 kama ada na pia wataulipa mshahara wa mchezaji huyo. Coutinho atavaa fulana nambari 10.

Coutinho ni mchezaji wa kimataifa

Mashabiki wa klabu hiyo wanahisi huenda akawa chachu ya mafanikio msimu huu.

"Ninafurahi sana kwa kuwa sasa tumekiongezea nguvu kikosi chetu. Nilishangaa sana baada ya wachezaji wachache sana kusajiliwa lakini sasa baada ya mchezaji huyu nyota kusajili nina matumaini tutayafikia malengo tuliyoweka. Nasikitika hakuwepo Ijumaa lakini nafikiri ameiongezea nguvu Bayern," alisema Stefan Obermeier.

Shabiki mwengine anasema Coutinho ni mchezaji wa kimataifa.

"Ni wazi kwamba huyu ni mchezaji wa kiwango cha kimataifa, yani ni kile tulichokikosa tu kwenye mechi ya Ijumaa tulipotoka sare. Iwapo kuna mshambuliaji mwengine wa haiba ya juu tutakayempata basi kikosi kitakuwa kimekamilika na tutakuwa na matumaini kwa msimu huu," alisema Jannik Schutzmeister.

Mbrazili huyo lakini hakuyafikia matarajio ya wengi baada ya kujiunga na Barcelona kutoka Liverpool mwaka jana.