1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Jamii

Bunge Uingereza lapitisha sheria ya kifo cha kusaidiwa

Iddi Ssessanga
30 Novemba 2024

Muswada wa kuhalalisha kifo cha kusaidiwa kwa wagonjwa mahututi umepita katika usomaji wa pili kwenye Bunge la Uingereza. Hii ilifuatia mjadala mrefu, ambapo wanasiasa walikuwa huru kupiga kura kwa mujibu wa dhamiri zao.

https://p.dw.com/p/4nb5G
London| Bunge lajadili muswada wa kifo cha kusaidiwa
Wanasiasa wa vyama vyote waliambiwa kwamba wangeweza kupiga kura kwa mujibu wa dhamiri zao kuhusu suala hili la kimaadili, bila vyama kuweka rasmi msimamo wa kufuatwa na wabunge wao.Picha: UK Parliament/empics/picture alliance

Wabunge wa Uingereza wamepitisha kwa mara ya kwanza, mswada wa sheria ya kusaidia watu wazima walio na magonjwa yasiyotibika kukatisha maisha yao nchini England na Wales siku ya Ijumaa, kufuatia mjadala wenye hisia ambapo watu walitoa simulizi binafsi za kupoteza wapendwa wao na mateso.

Mswada huo wa kifo cha huruma uliidhinishwa na kura 330-275, ikiwa ni hatua ya kwanza kabla ya kuchunguzwa zaidi na kupigiwa kura ya mwisho. Kim Leadbeater, aliyekuwa mdhamini mkuu wa mswada huo, amesema lengo lake ni kuwapa watu wanaokufa chaguo kuhusu jinsi ya kufa.

Waungaji mkono walisema sheria hiyo ingetoa heshima kwa wanaokufa na kuzuia mateso, huku wapinzani wakihofia wazee na walemavu kulazimishwa kukatisha maisha yao ili kupunguza mzigo kwa familia.

Mswada huo unapendekeza watu wazima walio na chini ya miezi sita ya kuishi kuomba msaada wa kuhitimisha maisha yao, kwa kufuata tahadhari kadhaa.