EU yatangaza msaada mpya wa kiutu kwa Waukraine

Msaada huo ulitangazwa wakati Kamishna wa Umoja huo Hadja Lahbib, anayehusika na usimamizi wa migogoro, alipotembelea Ukraine ili kujadili changamoto zinazowakumba binadamu kwenye vita vya nchi hiyo na Urusi vinavyoendelea. Lahbib amesema msaada huo unalenga kuwasaidia Waukraine wapate chakula, makazi,maji safi na umeme.

Wakati huo huo mashambulizi kati ya Ukraine na Urusi yameendelea kuripotiwa hii leo. Urusi imeishutumu Ukraine kwa kufanya mashambulizi ya droni kwenye miundombinu ya bomba kubwa la gesi ambalo husafirisha gesi kutoka Urusi kwenda Ulaya kupitia Uturuki.

Soma pia:Austin amrai Trump kutoyatupa mapambano ya Ukraine dhidi ya Urusi

Mapema leo, Ukraine nayo iliripoti kuzidungua droni 78 kati ya 110 zilizorushwa na Urusi usiku wa kuamkia leo Jumatatu.