Hoffenheim yaingia nne bora Bundesliga

Mshambuliaji kutoka Croatia Andrej Kramaric amerejea kutoka karantini na kufunga bao la dakika za lala salama la ushindi kwa timu yake ya Hoffenheim wakati klabu hiyo ilipolazimika kutoka nyuma na kushinda 2-1 ugenini Wolfsburg. Hoffenheim sasa wamepanda hadi nafasi ya nne katika msimamo wa ligi ya Bundesliga.

Kramaric alikosa mechi ya ushindi dhidi ya Arminia Bielefeld wikendi iliyopita baada ya kupatikana na virusi vya corona, lakini akarejea kwa kishindo kuiongoza Hoffenheim kuingia katika timu nne bora ambazo hufuzu moja kwa moja kwa kombe la mabingwa wa Ulaya, Champions.

"Tunaweza kila mara kumtegemea Andrej - haikuwa rahisi kubaini kwamba alikuwa karantini leo," alisema mchezaji mwenzake Jacob Bruun Larsen.

Ushindi wa Hoffenheim unaitia kishindo RB Leipzig, ambao wana miadi na Hertha Berlin siku ya Jumapili, katika mnyukano wa kuwania nafasi katika nne bora katika Bundesliga.

(afp)