1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
MigogoroLebanon

Israel yashambulia njia za kusafirisha silaha kwa Hezbollah

Babu Abdalla
13 Januari 2025

Israel imefanya mashambulizi ya anga nchini Lebanon ikilenga ngome za kundi la Hezbollah maeneo ya mashariki na kusini mwa nchi hiyo.

https://p.dw.com/p/4p5K8
Libanon, Khiam | Libanesische Armee verstärkt Präsenz im Südosten des Landes
Wanajeshi wa jeshi la Lebanon wakishika doria katika eneo la Khiam, Lebanon.Picha: Ali Hashisho/Xinhua/picture alliance

Shirika la habari la serikali ya Lebanon limeripoti kuwa, Israel imeshambulia maeneo ya mji wa Janta katika mkoa wa mashariki wa Baalbek pamoja na maeneo ya kusini karibu na Nabatieh. Hata hivyo, hakukuwepo ripoti zozote za majeruhi.

Soma pia:  IDF lashambulia "miundombinu ya kijeshi" ya Hezbollah, likisema wanakiuka makubaliano

Jeshi la Israel limeeleza kwamba limezilenga ngome za kundi la wanamgambo la Hezbollah ikiwa ni pamoja na njia za magendo zinazotumiwa kusafirisha silaha kandokando mwa mpaka na Syria.

Mashambulizi hayo yanaongeza mashaka juu ya mpango dhaifu wa usitishaji mapigano kati ya Israel na Hezbollah ambao ulianza kutekelezwa kuanzia Novemba 27.