Italia: Maambukizi ya virusi vya coronaa yapungua kidogo

Ufaransa, Italia na Uhispania zimeripori idadi ndogo ya vifo vilivyosababishwa na virusi vya corona kwa mara ya kwanza katika muda wa wiki mbili. Nchini Italia maafisa wameanza kuzingatia hatua ya pili ya juhudi za kupambana na maambukizi mara baada ya hatua ya karantini iliyowekwa mwezi uliopita kuanza kulegezwa.

Idadi ya watu walioambukizwa virusi vya corona vinavyosababisha ugonjwa wa homa ya mapafu, COVID-19 duniani kote imefikia watu1,272,737, watu waliokufa ni 69,418 na waliopona baada ya kutibiwa ni 261,485. Nchini Ujerumani pekee walioambukizwa wamevuka laki moja.

Na habari kutoka Uingereza zinasema Waziri Mkuu wa nchi hiyo Boris Johnson amelazwa hospitali kwa ajili ya kufanyiwa vipimo, kutokana na kuendelea kuwa na dalili za virusi vya corona siku kumi baada ya kugundulika kuwa na maambukizi.

Chanzo:DW