1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
SiasaUlaya

Jeshi la Uingereza liliuwa kwa makusudi Afghanistan

Mohammed Khelef
8 Januari 2025

Wanajeshi wa kikosi maalum cha Uingereza nchini Afghanistan wameileza tume ya uchunguzi wasiwasi wao kwamba raia wa Kiafghani wasiokuwa na hatia waliuawa kwenye uvamizi uliofanywa dhidi ya wanamgambo wa Taliban.

https://p.dw.com/p/4ovaC
Afghanistan
Mmoja wa wanajeshi wa Uingereza wakati akihudumu nchini Afghanistan.Picha: AP

Mmoja wa wanajeshi hao aliiambia tume hiyo kwamba aliwahi kulielezea suala hilo kwa wakubwa zake tangu mwaka 2011, ambapo aliweka wazi kwamba wanajeshi wa Uingereza waliuawa vijana hadi wa miaka 16, ambao hawakuwa kitisho chochote kwa usalama wao.

Katika tukio moja, Kikosi Maalum cha Jeshi la Anga la Uingereza, SAS, kiliwauwa watu 54 kwa wakati mmoja.

Soma zaidi: Urusi yaitaka Magharibi kuindolea vikwazo Afghanistan

Kwa mujibu wa wanajeshi hao, waliamriwa kwenye operesheni hiyo, waliamriwa kuwalenga wanaume wote wenye umri wa kupigana bila kujali kama walikuwa wanamgambo ama la.

Tume hiyo imechapisha sehemu ya kwanza ya uchunguzi wake hivi leo ikiweka hadharani ushahidi wa wanajeshi saba, ambao haikuwataja majina.