1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
MigogoroKorea Kusini

Korea Kusini yaituhumu Pyong Yang kupeleka wanajeshi Urusi

Suleman Mwiru
18 Oktoba 2024

Korea Kusini imesema inaamini kuwa Korea Kaskazini imewapeleka wanajeshi wake nchini Urusi, jambo linaloashiria tishio kubwa kwa usalama wa jumuiya ya kimataifa.

https://p.dw.com/p/4lx83
Korea Kusini yaituhumu Korea kaskazini kwa kuwapeleka wanajeshi wake Urusi
Korea Kusini yaituhumu Korea kaskazini kwa kuwapeleka wanajeshi wake UrusiPicha: Russian Defence Ministry/dpa/picture alliance

Shirika la kijasusi la nchi hiyo pia limesema kwamba Korea Kaskazini inashiriki katika vita vya Ukraine na imeamua kuwapeleka wanajeshi wapatao 12,000, nchini Urusi kikiwemo kikosi maalum cha wanajeshi. Hayo ni kwa mujibu wa shirika la habari la Korea Kusini, Yonhap.

Rais wa Korea Kusini Yoon Suk Yeol ameitisha mkutano wa usalama wa dharura na maafisa wakuu wa kijasusi, jeshi na wa usalama wa taifa kujadili kuhusika kwa wanajeshi wa Korea Kaskazini katika vita vya Urusi dhidi ya Ukraine. Urusi na Korea Kaskazini zote zimekanusha madai hayo.

Ikulu ya Urusi imesema madai hayo ya kupelekwa majeshi ya Korea Kaskazini nchini mwake ili kuisadia katika vita vyake dhidi ya Ukraine sio ya kweli.