LUXEMBURG:Umoja wa Ulaya wapewa haki ya kuzuia mali za vikundi vya kigaidi.

Umoja wa Ulaya umepewa haki ya kimsingi kuzuia mali zote za watu na vikundi vinavyoshukiwa kuhusika na vitendo vya kigaidi.

Mahakama ya Umoja huo imesema uamuzi wa kuzuia mali kunaendana na azimio lililopitishwa na Baraza la Usalama la Umoja wa Mataifa na kamwe uamuzi huo hauendi kinyume na mpango wa Umoja wa Ulaya wa kulinda haki za binadamu.

Watuhumiwa wawili wa mtandao wa ugaidi wa al-Qaeda,wamepeleka malalamiko yao katika mahakama ya Umoja huo iliyopo Luxemburg na kudai kuwa Umoja wa Ulaya hauna haki ya kuzuia mali zao zikiwemo fedha.