1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
MigogoroUingereza

Maelfu ya polisi waandaliwa kukabili vurugu Uingereza

Zainab Aziz
7 Agosti 2024

Maalfu ya polisi wa kuzuia fujo nchini Uingereza wamewekwa tayari endapo ghasia zaidi zitazuka.

https://p.dw.com/p/4jCQc
Uingereza, Rotherham | Vurugu za makundi ya mrengo wa kulia
Makundi ya wafanya vurugu dhidi ya wageni nchini Uingereza. Wameghadhibishwa na mauaji ya wasichana watatu yaliyotokea mapema mwezi uliopita.Picha: Danny Lawson/PA/dpa/picture alliance

Machafuko yalizuka baada ya watoto watatu kuuawa wiki tatu zilizopita. Makundi ya mrengo mkali wa kulia yamepanga kufanya maandamano kwenye maeneo zaidi ya 30 kuzilenga sehemu zinazowahifadhi wakimbizi.

Serikali imesema imewaweka tayari polisi maalumu 6,000 ili kupambana na ghasia ambazo hazijawahi kushuhudiwa nchini Uingereza katika muda wa miaka 10 iliyopita.

Mamia ya watu wamekamatwa na wengine zaidi ya 100 wamefunguliwa mashtaka.

Waziri Mkuu Keir Starmer ametoa onyo kwa wote watakaohusika kwamba watauona mkono thabiti wa sheria ikiwa pamoja na wale wanaochochea fujo kwenye mitandao.