1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
MigogoroMashariki ya Kati

Mashambulizi ya Israel yauwa zaidi ya watu 20 Lebanon

11 Novemba 2024

Mashambulizi ya Israel yamewaua watu wasiopungua 23 wakiwemo watoto 7 katika kijiji cha Aalmat kaskazini mwa mji wa Beirut nchini Lebanon na katika eneo lililotengwa kaskazini mwa Gaza.

https://p.dw.com/p/4mruv
Israel | mashambulizi dhidi ya Hezbollah
Israel imeendeleza mashambulizi ya kuwalenga wanamgambo wa Hezbollah nchini LebanonPicha: Violeta Santos Moura/REUTERS

Mashambulizi hayo yanafanyika wakati ulimwengu ukitazama juu ya ishara za jinsi uchaguzi wa Marekani unavyoweza kuathiri vita baina ya Israel na makundi ya Hamas na Hezbollah.

Soma pia: Takriban watu 30 wauwawa Lebanon kwa mashambulizi ya Israel

Na huko kaskazini mwa Gaza mashambulizi ya Israel dhidi ya makaazi ya watu waliokimbia nyumba zao katika kambi ya wakimbizi ya mjini Jabaliya yaliwaua takriban watu 17, wakiwemo wanawake tisa.

Wakati hayo yakiendelea, wawakilishi kutoka zaidi ya nchi 50 za Kiarabu na nchi nyingine za Kiislamu wanakutana kwa ajili ya mkutano wa kilele nchini Saudi Arabia leo Jumatatu. Duru zinasema mkutano huo unalenga kushughulikia mzozo wa Mashariki ya Kati.