1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
MigogoroSaudi Arabia

Mawaziri wa EU wajadili kulegeza vikwazo dhidi ya Syria

Babu Abdalla
13 Januari 2025

Mawaziri wa mambo ya nje wa Umoja wa Ulaya watakutana mwishoni mwa mwezi huu Januari ili kujadili uwezekano wa kulegeza vikwazo vilivyowekwa dhidi ya Syria.

https://p.dw.com/p/4p5Iy
Saudi Arabia | 2025 | Syria
Waziri wa mambo ya nje wa Saudia Faisal bin Farhan akiwa mwenyeji wa mkutano wa wanadiplomasia wakuu kutoka Mashariki ya Kati na Ulaya kuijadili Syria.Picha: Fayez Nureldine/AFP/Getty Images

Hayo yamesemwa na mkuu wa sera za kigeni wa umoja wa Ulaya Kaja Kallas.

Mwanadiplomasia huyo hata hivyo ameeleza kwamba, kulegezwa kwa vikwazo hivyo kutategemea viongozi wapya wa Syria kutekeleza mchakato wa mpito wa kisiasa unaojumuisha makundi yote baada ya kupinduliwa madarakani kwa Rais Bashar al-Assad.

Soma pia:  Ujerumani kuhudhuria mkutano wa kimataifa juu ya Syria

Kauli ya Kallas ameitoa wakati wa mkutano wa wanadiplomasia wakuu wa Umoja wa Ulaya na Mashariki ya Kati uliofanyika katika mji mkuu wa Saudi Arabia, Riyadh kujadili mustakabali wa Syria.

Saudi Arabia imetoa wito wa kuondolewa vikwazo ambavyo vinatishia kuzuia juhudi za Syria kujikwamua baada ya karibu miaka 14 ya vita vya wenyewe kwa wenyewe vilivyosababisha vifo vya takriban watu 500,000 na kuwaacha nusu ya raia nchini humo bila ya makaazi rasmi.