Mfalme Charles: Historia "chungu" ya utumwa ikumbukwe

Kauli hiyo ameitoa wakati mataifa ya Kiafrika na Karibiani yakizidi kushinikiza kulipwa fidia juu ya jukumu la Uingereza katika biashara ya utumwa wa Bahari ya Atlantiki. Wawakilishi wa nchi 56, wengi wao wakiwa na mizizi katika himaya ya Uingereza, wanahudhuria Mkutano wa Wakuu wa Serikali wa Jumuiya ya Madola ulioanza nchini Samoa siku ya Jumatatu. Mkutano huo umegubikwa na historia ya masuala ya utumwa na mabadiliko ya tabia nchi.Charles hata hivyo hakugusia suala la fidia za kifedha zinazoshinikizwa na viongozi katika mkutano huo, na badala yake akahimiza kutafuta "lugha sahihi" na uelewa wa historia.