Michezo ya bundesliga kuendelea hii leo

Mechi za mzunguko wa tisa Ligi Kuu ya Kandanda ya Ujerumani, Bundesliga, zinaendelea leo huku mabingwa wa Bavaria Bayern Munich wakitarajiwa kuumana na Union Berlin na Borussia Dortmund wakikipiga na RB Leipzig.

Usiku wa kuamkia leo mechi za bundesliga ziliendelea ambapo mabingwa wa Ujerumani,  Bayer Leverkusen waliwakaribisha vigogo VfB Stuttgart  na mechi hiyo ilimalizika kwa sare ya bila kufungana .

Soma zaidi. Bayern yaicharaza Bochum na kurejea kileleni Bundesliga

Mpaka sasa Bayern Munich wako juu kileleni mwa msimamo wa ligi kuu ya Ujerumani wakiwa na alama 20 wakifuatiwa na RB Leipzig wenye alama sawa huku Bayer Leverkusen wakisogea katika nafasi ya tatu na alama 16.

DW Kiswahili itakutangazia mubashara mchezo kati ya Bayern Munich na Union Berlin majira ya saa kumi na moja na nusu kwa saa za Afrika ya Mashariki.