Mkutano wa Afghanistan wafunguliwa rasmi Bonn

Kansela wa Ujerumani Angela Merkel, ataufungua mkutano huo pamoja na Rais wa Afghanistan Hamid Karzai na Katibu Mkuu wa Umoja wa Mataifa Ban Ki-moon.
Miongoni mwa kiasi ya wajumbe 1,000 watakaouhudhuria mkutano huo, ni waziri wa mambo ya nje wa Marekani Hillary Clinton. Kabla ya mkutano huo, Karzai alisema, Afghanistan hadi mwaka 2024, itahitaji msaada wa kama dola bilioni tano kutoka jumuiya ya kimataifa. Fedha hizo zinahitajiwa kuyajenga majeshi, polisi na taasisi za serikali. Katibu Mkuu Ban pia alisema, utulivu wa kisiasa, unaweza kupatikana nchini Afghanistan baada ya majeshi ya kimataifa kuondoka nchini humo, kama itasaidiwa na majirani wake.