Washukiwa wa mauaji ya Fleurs wakamatwa Afrika Kusini

Msemaji wa polisi Mavela Masondo, amesema washukiwa hao wamekamatwa kwa madai ya utekaji nyara na mauwaji.

Maafisa nchini humo wanasema kuwa wiki iliyopita, Fleurs alikuwa anasubiri kuhudumiwa katika kituo kimoja cha kujaza gari mafuta wakati alipovamiwa na wanaume wawili waliomtaka atoke nje ya gari lake kabla ya kumpiga risasi na kutoroka na gari hilo.

Masondo amesema washukiwa hao walikamatwa mjini Johannesburg siku mbili baada ya maafisa wa uchunguzi kupata gari lake. 

Maafisa hao wa upelelezi wanaamini kuwa washukiwa hao ni sehemu ya mtandao wa uhalifu unaohusika na wizi wa utekaji nyara wa magari mjini Johannesburg katika mkoa wa Gauteng.