PRAGUE. Waziri mkuu wa jamhuri ya Ucheki ajiuzulu.

Waziri mkuu wa jamhuri ya Ucheki, Stanislav Gross, amejiuzulu. Kuijiuzulu kwake ni sehemu ya makubaliano yaliyoafikiwa juma lililopita, yatakayoshuhudia waziri wa maendeleo ya mikoa, Jiri Paroubek, akichukua wadhifa huo wa waziri mkuu.

Gross alilazimika kuondoka madarakani kufuatia hatua ya chama kimoja katika serikali yake ya mseto kujiondoa serikalini kwa sababu ya kashfa inayohusiana na matumizi ya fedha kununua ghorofa ya kifahari mjini Prague. Gross amekanusha kuhusika katika kashfa hiyo.