Raia wateseka huku vita vya Ukraine vikiendelea

Wakazi wa Kyiv wamekuwa wakitumia njia mbali mbali kurudisha nyuma vikosi vya Urusi. Hapa, washiriki wa ulinzi wa raia wanatengeneza n mchanganyiko wa Molotov.

Wakaazi wa Kyiv wameunda vitengo vya ulinzi wa raia kulinda jiji lao na familia zao. Hapa mlinzi wa raia mwenye silaha anapiga doria mitaani huko Kyiv baada ya amri ya kutotoka nje.

Wale ambao hawawezi kukimbia shambulio la Kyiv wanapata makazi popote wanapoweza kupata kimbilio. Wengi huenda kwenye makao ya chini ya ardhi au vituo vya treni ya chini ya ardhi wakati ving'ora vya mashambulizi ya anga vinapolia.

Licha ya uhakikisho wa Urusi kutolenga majengo ya kiraia, roketi na makombora yametua katika maeneo ya makazi kama jengo hili la ghorofa huko Kyiv, ambalo liliharibiwa mnamo Februari 26.

Mwanamke amesimama nje ya nyumba yake iliyoharibiwa vibaya baada ya shambulio la roketi huko Kyiv mnamo Ijumaa, Februari 25. Vikosi vya Urusi vimewalenga raia katika miji kadhaa kote Ukraini tangu Alhamisi.

Wakati wa usiku kuanzia Ijumaa hadi Jumamosi asubuhi, mashambulizi ya Urusi dhidi ya Kyiv yaliendelea. Jengo hili la makazi ya juu katika mji mkuu lilipigwa kwa kombora, kulingana na Meya wa Kyiv Vitali Klitschko. Klitschko amewataka wakazi wa jiji kujiepusha na madhara.

Watu wanajificha katika majengo ya chini ya ardhi wakati ving'ora vya kuonya ya mashambulizi mapya vinapigwa mjini Kyiv. Urusi ilianzisha mashambulio la kila upande dhidi ya Ukraine mapema Februari 24.

Wakazi wa Kyiv pia wamekuwa wakienda kwenye vituo vya treni vya chini ya ardhi ili kukaa salama huku mapigano yakiendelea. Jiji hilo lina idadi ya takriban watu milioni 3.

Raia waliohamishwa kwa treni kutoka mashariki mwa Ukraine wanawasili Lviv, magharibi mwa nchi hiyo. Nchi jirani za Poland, Hungary, na Romania zinapokea wakimbizi wengi.

Raia wa Ukraine wakiwa wamebeba mali zao kwenye kivuko cha mpaka cha Astely-Beregsurany, wakitorokea Hungary. Foleni ndefu zimeundwa mpakani, kwani watu waliokatata tamaa wanataka kuondoka.

Wakimbizi wawili wa Ukraine wakikumbatiana wanapowasili Hungary baada ya kupita kivuko cha mpaka cha Beregsurany Februari 26. Waziri Mkuu wa Hungary Viktor Orban aliapa kutoa msaada wa kibinadamu kwa waliowasili.

Wafanyakazi wa kujitolea wanatayarisha sandwichi kwa ajili ya wakimbizi wa Ukraine wanaokimbilia Romania kupitia kivuko cha mpaka cha Siret, Ijumaa, Februari 25. Mamlaka ya Romania imejitayarisha kwa ajili ya kufurika kwa raia wa Ukraine.

Rais wa Ukraine, Volodymyr Zelensky, anaendelea kutuma ujumbe wa kuwahimiza raia wa Ukraine waendelee kupinga uvamizi na hivyo kuongeza ari ya wapiganaji wa Ukraine wakati wanajeshi wa Urusi wakilikaribia jiji, na milio mikubwa ya milipuko ilisikika mapema Februari 27.