Rais Biden kuzungumza na Ruto wa Kenya Alhamis

Mengine yaliyoko kwenye ajenda pia ni hatua zinazotakiwa kufuata kuzisaidia Haiti, Ukraine, Sudan na maeneo mengine ya mizozo.

Kenya imekuwa ikikabiliana na changamoto kubwa ya fedha na afisa wa cheo cha juu serikalini ameliambia shirika la habari la Reuters Jumatatu kwamba Marekani inazihimiza nchi zilizotoa mikopo mikubwa kama vile China, ambayo ni mkopeshaji mkubwa wa Kenya, ziyafutie baadhi ya madeni mataifa yaliyolemewa na mizigo ya madeni.

Marekani pia inazihimiza taasisi za kimataifa za fedha ziipe Kenya na nchi nyingine mikopo yenye riba nafuu.

Biden na Ruto pia watazungumzia ushirikiano wa kiusalama huku mahusiano kati ya Marekani na Kenya yakitanuka kutoka kuwa ya kikanda hadi ushirikiano wa kimataifa.

Biden na Ruto wanatarajiwa kufanya mkutano wa pamoja na waandishi habari baada ya mazungumzo yao na baadaye kuhudhuria dhifa ya kitaifa.