Rais Lula alirai bunge kutangaza janga baada ya mafuriko

Hatua hiyo itaruhusu serikali kuu kuongeza matumizi ya ziada ili kutuma msaada unaohitajika kwenye jimbo hilo bila kukiuka masharti ya ukomo wa bajeti yaliyoidhinishwa mwaka uliopita.

Waziri wa Mipango wa Brazil Simone Tebet amewarai wabunge kuridhia pendekezo la rais Lula, akisema serikali bado haijafahamu gharama halisi zitakazohitajika kulisaidia jimbo hilo.

Kiwango kikubwa cha maji kimeharibu barabara, kusomba madaraja na kusababisha maporomoko ya udongo kwenye miji ya jimbo la Rio Grande. Hadi kufikia jana watu 130 bado hawajulikani waliko na zaidi ya wengine 150,000 wamepoteza maakazi.