Rais mteule Donald Trump awateua wapambe wake

Rais mteule Donald Trump ametangaza kuwa Bilionea Elon Musk, ataongoza idara mpya ya serikali ya ufanisi, pamoja na Vivek Ramaswamy ambaye hapo awali aligombea urais.

Trump amesema katika taarifa kwenye jukwaa lake linaloitwa "Truth Social” kwamba Musk na Ramaswamy watafungua njia kwa utawala wake, ya kuondokana na urasimu wa serikali, kupunguza kanuni za ziada, kuondosha ubadhirifu wa matumizi, na kuyarekebisha mashirika ya serikali kuu.

Musk, mwanzilishi wa Tesla na SpaceX na mmiliki wa mtandao wa X, alikuwa mfadhili mkuu wa Trump wakati wa kampeni zake za uchaguzi.