1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
SiasaJamhuri ya Afrika ya Kati

Rais Touadera wa CAR azuru Moscow kuimarisha ushirikiano

16 Januari 2025

Rais wa Jamhuri ya Afrika ya Kati, Faustin-Archange Touadera, yuko mjini Moscow kwa mazungumzo ya kuimarisha ushirikiano wa nchi yake na Urusi. Hayo ni kwa mujibu wa Ikulu ya Kremlin.

https://p.dw.com/p/4pCaQ
Touadera anakutana na Rais Vladmir Putin siku ya Alhamisi 
Touadera anakutana na Rais Vladmir Putin siku ya Alhamisi (Picha ya maktaba)Picha: Artyom Geodakyan/TASS/AP/picture alliance

Moscow ina mahusiano ya karibu na koloni hilo la zamani la Ufaransa, ambapo imepeleka nchini humo mamia ya kile wanachoita wanajeshi wa kutoa mafunzo ili kuisaidia serikali ya Touadera kupambana na makundi yanayozozana ya waasi.

Kama sehemu ya ziara yake ya siku tatu, Touadera anakutana na Rais Vladmir Putin siku ya Alhamisi kujadili hatua zaidi ya ushirikiano wa pande mbili.

Moscow imedhamiria kutanua ushawishi wake Afrika katika miaka ya karibuni, ikitoa msaada wa kiusalama kwa viongozi wanaozozana na kuibua hisia za chuki dhidi ya nchi za Magharibi.

Jamhuri ya Afrika ya Kati, mojawapo ya nchi maskini zaidi duniani, imekumbwa na vita vya wenyewe kwa wenyewe kwa zaidi ya muongo mmoja.

Mamluki wa Urusi kutoka kundi la Wagner wamevisaidia vikosi vya serikali nchini humo tangu mwaka wa 2018, huku Moscow pia ikiwapa mafunzo maelfu ya askari wa nchini humo.