1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
MigogoroUbelgiji

NATO: Wanajeshi wa Korea Kaskazini wamepelekwa Urusi

28 Oktoba 2024

Katibu Mkuu wa Jumuiya ya Kujihami ya NATO, Mark Rutte amesema anaweza kuthibitisha kwamba wanajeshi wa Korea Kaskazini wamepelekwa nchini Urusi

https://p.dw.com/p/4mJqc
Katibu Mkuu wa NATO, Mark Rutte
Katibu Mkuu wa Jumuiya ya Kujihami, NATO akizungumza na waandishi wa habari kwenye mkutano wa mawaziri wa ulinzi wa NATOPicha: François WALSCHAERTS/AFP

Katibu Mkuu wa Jumuiya ya Kujihami ya NATO, Mark Rutte amesema anaweza kuthibitisha kwamba wanajeshi wa Korea Kaskazini wamepelekwa nchini Urusi na sehemu ya wanajeshi hao wamepelekwa katika jimbo la Kursk.

Rutte alikuwa akizungumza na waandishi habari baada ya maafisa wa NATO na wanadiplomasia kuusikiliza ujumbe wa Korea Kusini.

Amesema kuongezeka kwa ushirikiano wa kijeshi kati ya Urusi na Korea Kaskazini ni kitisho kwa usalama wa eneo zima la Indo Pasifiki pamoja na kanda ya Ulaya, mataifa ya Caucasus na Asia ya Kati.

Kadhalika kwa mujibu wa katibu mkuu huyo wa Jumuiya hiyo ya ushirikiano wa kijeshi, zaidi ya wanajeshi 600,000 wa Urusi wameuwawa au kujeruhiwa kufuatia uvamizi wake nchini Ukraine.