1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
MichezoKenya

Senegal kukutana na Nigeria, Sudan kwenye CHAN

16 Januari 2025

Mabingwa watetezi Senegal watakabana koo na Nigeria na Sudan katika Kundi D la mashindano yaliyopangwa upya ya Kombe la Mataifa ya Afrika kwa wachezaji wa vilabu vya ndani - CHAN.

https://p.dw.com/p/4pCh4
Kenya Nairobi | SpiMichuano ya CHAN 2025 inatarajiwa kuandaliwa na nchi tatu Kenya, Uganda na Tanzania kuanzia mwezi Agosti
Michuano ya CHAN 2025 inatarajiwa kuandaliwa na nchi tatu Kenya, Uganda na Tanzania kuanzia mwezi AgostiPicha: Yasuyoshi Chiba/AFP/Getty Images

Michuano hiyo itaandaliwa kwa pamoja na Kenya, Tanzania na Uganda Agosti mwaka huu. Mashindano hayo yanayofanywa kila baada ya miaka miwili, yamesogezwa miezi sita mbele ili kuzipa nchi hizo tatu muda zaidi wa kukamilisha kujenga na kuboresha viwanja vitakavyotumika.

Kundi D pia litajumuisha Kongo Brazzaville. Harambee Stars wa Kenya wamepangwa katika Kundi A pamoja na mabingwa mara mbili na ambao walifika nusu fainali ya Kombe la Dunia 2022 Morocco, Jamhuri ya Kidemokrasia ya Kongo, Angola na Zambia.

Kundi B lina Tanzania, Madagascar, Mauritania, Burkina Faso na Jamhuri ya Afrika ya Kati. Wenyeji wenza Uganda watacheza katika Kundi C pamoja na Niger, Guinea na timu nyingine mbili ambazo bado hazijajulikana.